往年嘅7月1日必定係去新宿各大商場守侯開門時間, 執減價貨. 既然今年減價已由6月27日開始咗, 咁今日我地就唔使迫商場, 改去outlet.
去outlet 前, 我地先去咗御徒町駅辦d 事先.
就係去呢間giga拎上網預定咗嘅相機.
呢架panasonic GX7C (連餅鏡)喺 yodobashi 都要賣11800 yen (9千蚊港紙), 就算香港而家減咗價都要8千蚊, 不過我地而家上網訂, 再到門市取貨就只要港紙6千蚊, 不過要用住日文版先.
顧住買相機都唔知時間, 原來買完都差唔多10點45分, 因為要趕11:25 分由東京站開往木更津outlet 嘅高速巴士, 我地用跑100米嘅速度, 跑下又行下咁到秋葉原站, 再搭JR 到東京站.
搵咗好耐, 先知道2番出口係要先經過地下隧道去對面馬路, 好彩剛剛趕到最後一班高速巴士, 否則45分鐘車程, 就會變成90分鐘車程 (by railway), 價巴士錢係1200 yen.
木更津outlet 詳情:
http://www.31op.com/kisarazu/index.html
45分鐘後就到達, 落車後要過對面馬路.
面積大過酒酒井outlet, 有一百七十多間商店, 有多間名牌如burberry, coach, marc by marc jacob, kate spade, westwood 等, 差d 又敗家.
7月中仲會擴張完成, 有二百五十間shop, 係首都圈內最大嘅outlet.
好闊落, 好好行, 好多本地人行添.
同酒酒井outlet 一樣, 可到customer service center show passport, 就換到coupon book.
裡面大約有十二張coupon, 若果要用優惠, 就要撕一張coupon俾商店. 除咗買衫, 仲可以用於food court.
我地購物嘅策略係行晒d shop 一轉先, 之後再決定買乜, 不過如果見到time sale 或者真係好抵時就梗係買咗先啦.
行完一轉都1點幾, 先到 food court 醫肚.
見到呢間茶屋嘅剌身飯都抵 (1058 yen 連稅), 所以老公食呢間嘅人氣no. 1.
乜魚生都有d, 都幾新鮮, 用coupon 仲有甜品送.
我本身好鍾意食蛋包飯, 所以叫咗佢人氣no.1 嘅咖哩蛋包飯, 只要802 yen (連稅).
唔係講少, 真係好好食, 係滑蛋, 仲有好香嘅蛋汁, 用coupon有soft drink 送.
食飽飽就shopping, 第一站cath kidston, 我好鍾意佢d 碎花同波點系列.
outlet 內有 b 品賣, 亦即不良品, 有50-70% off, 每一樣貸品斬有一張紙點出有問題地方. 不過所謂嘅不良只係有少少瘕疵, 例如小小未剪嘅線頭, 唔小心睇, 都唔知有問題.
若果喺香港, 早就當普通貨賣咗喇, 所以可見日本人真係超級完美主義者
用埋coupon 仲有兩件9折添.
outlet 內雖然冇time sale, 不好多shop 做30-60% off, 我同老公又買到一袋二袋.
行到4點幾, 就搭高速巴士返東京站.
出outlet 後要過對面馬路嘅巴士站.
回程係bus stop no.1
有display 下班車去邊, 唔怕搭錯車.
返到東京站, 發現原來做緊世界盃展覽.
仲每日更新賽程.
老公見到偶像馬勒當拿嘅相, 都忍唔住要合照一下.
跟住就要到秋葉原回憶一下我地嘅童年.
原本想搵套Sailormoon figure, 不過正常版成4000yen 一隻, 一套要幾萬yen, 而且又難搵得齊, 所以最終買咗呢套Q 版, 只要3000 yen,
因為之前兩日都食唔到滿意嘅燒肉, 所以諗住返池袋食貴仙燒肉, 不過原來佢星期二定休, 真係飲恨.
唯有去esola 7/F 嘅利久牛舌.
佢最出名係仙台牛舌
老公個Set 嘅前菜, 牛舌沙律, 一般般.
跟住燒牛舌定食, 厚燒牛舌都幾好食, 右下角小菜都係普通.
我叫咖哩牛舌定食, 估唔到個咖哩又幾好食.
兩個餐食咗3240 yen, 唔係貴, 不過只可以一試, 冇下次.
返到酒店沖完涼, 浸完浴, 係時係收拾一下收獲.
執完嘢係時侯食下零食, 睇下波.
我一直都幾鍾意choya 無添加果隻梅酒, 不過原來呢隻有氣梅酒都幾好飲,大家可以試下.
呢個係老公嘅.
留言列表