大阪京都金沢白川鄉6日5夜之旅 2013 --Day 6 (24/1/2013)－daisy127的部落格

因為尋日太夜訓, 所以今日訓到十點幾先起身.

執好晒行理, check out 完就去咗昭和町, 食一間好多本地人都愛嘅拉麵.

我地今日用埋第二日份嘅kansai thru pass, 咁就可以周圍去.

中午十二點咁曬都有咁多人排隊, 就知道有幾好食啦.

不過餐牌得日文, 只好估估下.

最後我揀咗白雞拉麵, 味道比較清淡, 不過又比較油膩.

老公嘅沾麵, 幾好味.

趁仲有d 時間, 我地分開行事, 作最後衝刺, 我就喺酒店附近嘅地下街行下, 又買咗衫同裙.

不過我地仲係好想食和幸豬排, 所以最終就算得返少少時間, 都要仆到去.

食完之後, 仲陪埋老公去日本橋睇玩具.

沿途經過黑門市場. 聽閒入面d 剌身又新鮮又平, 若果有時間, 可以買返酒店食或者即埸食.

最後就返酒店拎返d行理, 搭南海電鐵去機埸, 都可以用kansai thru pass.

我地班機係21:10, 我地預早咗D時間, 大約6 點40分就到咗機場, 一來諗住怕唔識攪自助check in, 要預鬆D 時間, 二來諗住早D check in , 早D 到 terminal 1 食dinner.

不過去到先發現原來七點先開counter 俾我地check in,所以我地同一d 乘客唯有排住隊等.

到咗七點, 我地見peach 嘅 staff 由對面跑過來幫我地開機 (因為佢地真係剛剛做完第二班機嘅乘客), 同幫助有問題嘅乘客.

我地先用自助counter check in, 跟住就可以去櫃台寄行理.

攪掂好之後, 我地去咗terminal 1 食晚餐, 冇乜好揀, 所以揀咗食烏冬.

晚餐雖然簡單, 不過都好好味, 烏冬好彈牙.

食完之後仲有少少時間可以行一陣, 見uniqlo 減價, 又買咗d 衫. 跟住就搭free shuttle bus 返 terminal 2 .

返到terminal 2 嘅時候都成 20 點 30分, 當我地架shuttle 一停車, 就見到有d仲拎住喼嘅乘客飛奔去counter check in, 仲要有成10個8個乘客, peach 嘅 staff 又不停用英文廣播, 催促未check in 嘅乘客快d check in.

其實我地班機係21:10 起飛, d 乘客都真係有d 過份, 咁遲先去check in, paech又好好人地, 就算 close 晒d自助check in 機, 都照樣俾佢地去寄存行理嘅counter一次過check in同寄存行理. 最後我地班機亦可能由於呢一班咁遲先check in 嘅乘客, dealy 咗少少時間.