經過整晚0既車程, 6點45分抵達金沢站, 比預算早0左半個鐘. 8個鐘車程會由兩位車長輪流負責, 中途大概有3次休息(約10分鐘), 俾時間大家去洗手間, 每次開車前車長會點算人數, 以免有人留低. 其實我係一個比較難入睡0既人, 不過在整個車程中只0係中途休息廣播時稍為醒一醒, 所以下次可以再搭夜行巴士, 慳錢又慳時間.
我地0係金沢會住連鎖式酒店集團APA hotel(金沢駅前),佢位於車站西口, 一出就見到, semi-double都係6000yen 一晚, 一樣有free internet, 仲有公眾大浴池(不過冇時間浸).
寄存好行李就出發去近江町市場食個早餐先.
因為有個超強颱風今日會打到過來, 天氣將會變差.
出發前要到東口巴士站側買張一日週遊卷, 500yen@, 可以由08:36-18:00無限次使用金沢市週遊巴士. 總共有3架巴士, 不停單方向循環行駛, 途經大部份主要觀光點, 每12分鐘一班. 亦可搭市內200yen以下0既巴士. 記得買完飛就拎埋週遊卷0既宣傳單張, 佢會講埋每個景點應該0係咩站落車, 估計埋架車咩時間去到咩站, 唔怕miss0左班車.
巴士只會單方向行駛, 我地要跟住巴士行駛0既路線觀光.
呢架巴士平日100yen一程, 雖然唔經東茶屋街, 但500yen週遊巴士卷都用到, 所以最後決定買週遊巴士卷.
早上天氣都算唔錯.
依家只係早上7點幾, 仲未有巴士, 我地要行過去近江町市場.
大約行十多分鐘就到0左喇.
近江町市場已有四百年歷史, 共有一百七十多間商店售賣生果, 蔬果, 海鮮. 其中以海鮮丼最有名.
時間尚早好多食肆仲未開門, 我地預先search定開0左門又好食0既餐廳.
市場實在好大, 都係要靠地圖先搵到間餐廳.
有些檔口0既店主7點多就開始準備.
行0左一陣, 搵到佢喇, 7:30已經開門.
老公揀0左9貫0既壽司set, 2100yen
我揀0左おまかせ丼, 1575yen
賣相唔錯, 不過佢冇想像中咁好食, 於是下午再來市場0既時候, 搵過間好d 0既.
d蟹好平, 有d新鮮到四圍郁, 不過拎唔到返香港, 所以冇買到.
Strawberry 280 yen一盒, 最後都忍唔住買0左一盒.
其他水果都好正咁 ~
大扇貝, 好想食.
甜蝦刺身真係好平, 500yen一大盤, 800yen兩大盤.
海膽都係1000 yen一板, 買0左一板來試, 正.
食飽飽, 我地就搭週遊巴士開始金沢觀光之旅喇, 點知一早就送車尾喇........
part 1 完
留言列表