儲0左幾年 asiamile, 本想今年去英國睇歐聯決賽, 不過老公鍾意0既arsenal又早早出局, 而部份0既milage今年到期, 咁就唯有用d milage 去其他地方啦.
其實first choice係去台灣, 連書都差d買埋. 不過當我地上網搵酒店0既時候就發現好多都full晒. 咁即是話有好多去日本0既旅客都轉左去台灣啦, 而我地2個都唔鍾意同人迫, 所以都係放棄去台灣.
咁0岩有朋友提及東京在地震個多月後已回復舊日0既繁忙, 無敵家照舊排長龍. 只0係因為要節電, 夜晚街道燈飾比以前暗淡, 旅客亦少了很多(即係唔使同人爭啦). 而酒店方面, 發現很多都有做promotion, 例如我地訂的hotel suncity, double room都只係6000 yen 一晚(平時要9千多yen一晚). 見到d酒店咁平, 又唔使同人迫 (去過日本5次, 每次都見到好多遊客), 今次真係心郁郁呀. 至於幅射, 心諗日日0係醫院都照唔少x-ray啦, 話唔埋去日本吸收0既幅射分分鐘少過返工. 所以最終決定去日本.
兩年前去日本就唔到時間睇浦和紅鑽, 今次就0岩時間有一場浦和紅鑽主場比賽, 所以決定同老公去睇浦和紅鑽代替冇得去睇歐聯0既損失啦.
至於行程方面, 過去幾次東京之旅已經遊覽過好多地方, 加上有0左上年東京+北海道之旅0既經驗, 決定繼續衝出東京南下金沢, 白川鄉同上立山黑部睇雪.由於我同老公都唔識日文, 而金沢, 白川鄉同立山黑部又較難以英文溝通, 加上老公0既家姐讀過多年日文仲有細佬都想去金沢同立山黑部, 所以今次一共有4人出發. 家姐同細佬冇興趣睇波, 所以我同老公27/5/2011 (星期五)早一日出發, 家姐同細佬就28/5/2011 出發. 由於今次家姐同細佬分別用左asiamile 同ANA 兩種唔同0既 milage 換飛, 而ANA只換到下午3點幾出發的航班, 所以我地4個人分開3個時間出發.
由於機票係換0既, 所以我地只需俾 HKD 792稅 + 3晚東京Hotel Suncity酒店 (6000 yen each) + 1晚金沢APA酒店 (6000 yen) +1晚夜行巴士 (4000 yen), 亦即每人HKD 2320就可以完成我地6日5夜東京, 金沢, 立山黑部之旅喇~差不多係平時一半0既價錢.....抵呀 ~
留言列表
