東京, 金沢, 立山黑部之旅 2011-day 1 - part 1－daisy127的部落格

等了又等, 終於到出發0既日子喇~

我同老公0既寶寶.

預先做左online check-in, 所以唔使排長龍.

3個月前去泰國都仲有個獨立counter for指定航班check-in, 但今次已經唔同0左, 全部差唔多時間起飛0既航班都係去某幾個counter一齊排隊 check -in , 所以感覺上慢0左.

check-in 完仲有d 時間, 去食個早餐先, 因為翠華排長龍, 所以去左大快活.

機票上明明話8:45 先開始登機, 我地已經準時到, 唔知點解一去到就變0左final call, 仲催我地上機, 攪到影相都冇時間. 不過都有好處0既, 就係可以早d 起飛.

我地架機, 係細機 (座位編排係2-4-2), 班機full 晒 (因為 merge 0左其他航班), 大部份乘客係日本人或者外籍人士, 真係冇乜香港人.

搭0左4個幾鐘頭機, 終於安全到達.

近年多0左中國遊客, 所以好多地方都有簡體字0既翻譯.

因為冇乜遊客, 今次好快就過到關喇.

拎埋行李, 就去搭NEX, 計過度過, 都係覺得NEX抵d, 同方便d.

來回NEX車票加一張suica card (500 yen deposite + 1500 yen可用面值) package: 5500yen

因為其中有兩日行程會經常搭tokyo metro, 所以買0左兩張 1 day pass. 2 day pass規定要連續兩日使用, 唔0岩我地所以冇買.

溫馨提示: 0係機場買會平d, 600yen, 出面賣710yen. 一出海關左手邊會見到有條電梯落去搭NEX, 唔好落電梯住, 正正隔離有個counter for租電話0既, 你就可以買到架喇. 不過幅圖0既logo真係好細, 好易會miss, 我地問0左staff幾次同行0左幾轉先搵到個counter.