daisy127的部落格

今日要轉去The pacific sutera resort, 所以不宜去太遠嘅地方. 我地決定喺附近食早餐, 再買d 手信, 就轉酒店.

check out 完, 我地去咗食金沙園生肉麵.

呢度主要食豬, 大約MYR 6-7 蚊一碗粉.

先上個鳳爪小食, 估唔到又幾好食.

豬雜撈麵, 香港嘅蝦子撈麵好食D.

肉丸肉片粉, D 肉丸都唔錯.

食完早餐之後就去咗美麗華百貸, 睇下有咩手信賣.

最出名嘅咖啡.

有貓生王嘅手信, 不過唔吸引.

仲有鮮果雪條, 不過機場禁區都有, 所以唔使今日買.

D蝦都唔平, 冇買到.

之後仲買咗D牛肉干做手信.

因為今日唔出島, 所以想喺黃昏時做下SPA, 不過又唔太識路, 搵咗好耐都未搵到想Book 果間.

當我地行到身水身汗時, 一見到商埸, 就即刻入去涼一涼先. 行行下見到MYR 1 嘅軟雪榚, 即場整返杯.

可能天氣太熱, d 雪榚未食就溶.

食完雪榚之後, 再出發搵spa, 兜咗幾個圈, 終於搵到個商場.

呢間就係網友提過唔錯嘅spa.

因為有三個朋友出咗海釣魚, 得返 3 Pair 人, 所以我地book 咗3個couple retreat 嘅package. MYR 320, 兩個鐘一pair 人享用. 同佢講咗一陣價, 仲可以TAX FREE.

任務完成之後, 就係時間食Lunch. 實在太熱, 我地每人俾咗MYR 2, 坐味雅二樓有冷氣嘅雅座.

味道都係一般, 一份大雞飯要MYR 8, 普通就MYR 6, 一碟大豆牙就MYR 6.

食完Lunch, 返到hotel sixty 3, 拎埋行李, 就叫酒店幫我地Call 的士去新酒店. 不過酒店d staff 服務一般, 架車到咗都唔同我地講, 反而係我地發現的士到咗.

其實KK 好細, 市區到機場或近郊嘅酒店都係半個鐘咁上下車程.

我地今次book 咗Sutera Harbour resort 嘅The Pacific Sutera.

Sutera Harbour resort 緊臨南海，面積約400英畝，內面有The Pacific Sutera 同The Magellan Sutera 兩座五星級酒店、Sutera Harbour

Marina 高爾夫球場、三座戶外露天游泳池、海灘、網球場、沙灘排球場、三溫暖、SPA、, 仲有遊艇、帆船俱樂部等等設施.

呢度係The pacific sutera 嘅 lobby, 繼上次Hotel sixty 3 被upgrade 去suite, 今次竟然又再次被upgrade 去suite.

原本我地9個人分咗兩個booking, 我& 老公& bonnie& ben一齊book 咗兩間房, 其餘五個friend就book 咗3間房, 都係 Deluxe Golf View 連 Breakfast.

雖然另外兩個朋友冇出海釣魚, 同我地四個一齊到酒店, 不過因為佢地負責book 房嘅朋友出咗海, 所以佢地冇得check in 住, 而我地四個就被upgrade 去兩

suite.

一見到個大門係雙門式, 就知道入面唔細. 推開面先見到個客廳, yeah, 今晚又有地方一齊玩.

打開客廳對面, 先有張梳妝枱.

再行入d, 可以見到golf view.

king size bed

個view好靚

套廁內乾濕分開

打開大浴缸隔離個簾都可以欣賞golf view.

suite 入面喺用crabtree

客廳隔離有個客廁.

朋友嘅deluxe room

bathroom 同bedroom 中間有對木門, 可以隋意打開.

有個小露台, 張梳發都幾正丫.

之後就換衫落去參觀佢嘅泳池.

酒店到處都有d 好靚嘅擺設.

綠化工程都做到好好, 好有大自然嘅感覺.

要去泳池, 先要經過一道橋.

橋底下有荷花池.

再行一陣就見到泳池附近嘅餐廳.

附近有樹蔭嘅沙灘椅可以休息.

The Pacific Sutera 嘅泳池

中間有minibar

附近有個小型沙灘, 適合睇日落.

游完水, 有d 餓, 所以沖完涼, 搭free shuttle. (注意有時間限制, 不過印象中一個鐘最少有三班) 出返市中心, 去食少少嘢先做spa.

個朱古力蛋榚最好味, 其餘ok 啦, 不過冷氣夠凍, 坐得好舒股.

之後就做spa.

佢帶咗我地去休息室坐下先, 佈置得唔錯.

不過出面天色唔太好, 黃昏嘅沙巴落雨機會都幾大.

除咗spa, 仲有foot massage 區

我地三pair人, 輪流被按排入couple room

因為spa 店個浸浴缸只可以容納兩個瘦身材嘅夫婦一齊浸, 所以staff 會問定我地一齊定分開浸.

我同 tony 一齊浸都有d 免強, 另外一pair 人一齊浸嘅時候, 簡直不得了.

因為個男嘅身型比較高大, 當佢一落水時, 缸裡面d 水好似洪水氾濫咁湧晒出來, 湧到出門口, 連放喺缸邊嘅蠟燭都熄埋, 女嘅就笑到成間spa 都聽到.

質素雖然唔及泰國, 不過MYR 320 兩個, 都幾抵.

Relax 完又係食嘅時侯, 去到沙巴點會只係食一餐新鮮海鮮咁少丫, 今晚喺最後一晚, 所以要食豪d .

沙魚仔一般般, d 肉太淋.

石頭魚就超正, 肉質爽口.

到尾聲一定要食返呢個椰子布甸, 真係一流.

唔知道乜東東, 我地冇食.

喺搵緊的士返酒店之際, 突然見到一間士多, 於是就博下有冇平啤酒賣.

果然有呀, MYR 12 一set (四罐), 仲要買三set 送一set, 所以立刻買咗16罐 for 今晚最後一戰.

我地最後鋤到四點, 都清得晒d 啤酒, 仲有見證我地幾晚戰績嘅證據.