daisy127的部落格

因為horizon hotel 嘅早餐唔好食, 所以我地行9人先一齊食早餐, 先出海到馬穆迪島.

今日先試下順泉茶室嘅海南雞飯, 味道同感覺同平時喺泰國食開嘅唔一樣.

本身想試下佢最出名嘅喇沙, 不過負責人去咗做白內障手術. 咁就唯有試下蝦麵, 不過都係第一日食嘅好味d.

6

拉茶同桔仔冰喺每日消暑必備.

食唔到順泉嘅喇沙, 硬係爭咁d 嘢, 於是退而求其次, 去附近試成興茶餐室嘅冬蔭公.

仲有喇沙, 兩碗都幾好味, 不過千萬唔好飲羅漢果水, 超甜.

食完早餐, 拎埋d 行裝, 又去碼頭預備出發到馬穆迪島.

去到碼頭, 我地搵返尋日嘅counter 3, 佢又係開價MYR 23, 我地話尋日先幫襯完, 所以俾返舊價MYR 18 位, 另加MYR 7.2 碼頭稅同MYR 10 救生衣, 浮潛工具另外加錢, 都係book 咗四點鐘走.

唔駛半個鐘就到咗馬穆迪島, 落船後都係有人介紹島上設施, 我地一樣要認住佢, 差唔多走嘅時侯就要搵返佢.

d 水好清, 可以見到好多魚仔.

例牌要先喺入口俾MYR 10 入島費.

馬穆迪島比沙比島大少少, 不過呢度冇水母.

沙好幼, 沙灘有左右兩邊.

我覺得呢度風景靚D (可能因為我喺沙比島俾水母電到, 所以心理上覺得冇咁好).

 呢度都有大蜥蜴.

因為尋日發生嘅事情, 所以都冇心情介紹一下島上嘅設備, 而家後補一下啦.

首先, 兩個島都有好似郊野公園嘅大枱同長椅. 不過有D 有樹蔭,有D就冇.

 有救生站, 我尋日俾水母電到就係搵佢地.

我一上島就會認住呢個顏色制服嘅Staff, 因為走就係搵佢地.

有更衣室同淋浴地方.

有賣小食同飲品嘅地方 (不過冇熟食, 所以要食Lunch, 就要Join 島上嘅BBQ buffet).

食Buffet 嘅地方.

如果join 咗buffet, 就可以任坐有樹蔭嘅地方, 要MYR 40 一位. 不過我地覺得冇乜嘢好食.

右面海灘D沙較幼, 不過冇乜魚. 左面海灘有好多珊瑚同熱帶魚, 一家要著膠底鞋, 否則就會好似其中一個朋友咁, 俾珊瑚拮到腳.

我地以為可以好似保和島同布吉咁,拎d麵包餵魚仔, 不過原來呢度唔得, 一見到麵包, 就俾d guard 警告.

玩到一點幾就覺得冇咩好玩, 又冇乜好食.所以就搵返個Staff, 問佢可唔可以早一班船走, 可能d遊客通常冇咁早走, 所以仲有位.

兩日出島都係搭呢類嘅船.

返到岸後, 見大家都好餓, 於是就去食西餐.

味道一般, 不過大家太餓, 所以食晒咁濟. 9個人叫咗兩個Pizza, 兩個pasta, 兩個rissoto, 約3份小食, 連埋飲品, 每人MYR 40 有找.

返酒店沖涼前去咗尋間Supermarket 睇一睇, 見blue ice 有貨, MYR 3.5 一罐, 即刻買咗一打, 今晚鋤D用.

梳洗先, 休息咗一陣, 就出發搵食, 我, 老公, bonnie同阿ben 先去horizon 搵埋其餘5個friend.

上網見到香格里拉附近有個有蓋嘅夜市幾出名( Anjung perdana tanjung aru), 所以就叫酒店d staff 幫我地call 的士去.

不過的士司機求其搵咗個地方俾我地落, 咁就收咗一部車MYR 30. 我地又唔識路, 於是問下人, 又是但博下咁, 行咗最少20分鐘, 終於搵到, 不過同時又擔心搵唔到車走, 因為真係有D偏.

環境睇落就唔錯, 不過食嘅都係冰鮮海鮮, 同菲律賓夜市差唔多.

我地覺得唔太吸引,只係食咗幾個小菜.

最後俾我地估中, 附近根本冇的士返市中心, 我地唯有求救頭先間食肆, 佢話幫我地搵的士,不過要MYR 35 一架車. 點知根本就唔係的士, 係佢自己嘅車, 真係好賺.

因為我地食唔飽, 所以最後都去返菲律賓夜市. 我地買外賣返酒店, 佢地就即場食. 後來聽到有個朋友用咗MYR 50 試咗隻加菲蟹, 不過係臭嘅, 真係慘.

回程時見到出口有榴蓮賣, 雖然唔知咩品種, 不過見佢幾靚, 又唔貴, 有D心郁郁.

因為得我一個食, 所以我地請老闆用MYR 2 賣一邊俾我, 好好味.

同行嘅阿BEN太怕榴蓮, 我唯有好慘咁坐埋一邊, 食咗先行. 算啦, 我都唔係第一次收埋自己食榴蓮啦.

我地嘅宵夜, 今晚有燒大眼雞, 超平, MYR 5 三條.

因為第二日要轉酒店, 所以鋤D 到三點就休息, 記底條數, 明晚再續.