2006尾嘅大阪, 京都, 神户, 奈良之旅有太多地方想去, 冇去到金閣寺,所以今次一定要去返.
名副其實咁華麗.
因為園內唔俾用腳架, 所以冇乜合照.
行完金閣寺都下午兩點幾, 已經好肚餓. 來到日本, 當然要食魚生飯啦.
因為沿途冇乜好食, 所以揀咗若狹家, 質素OKAY, 不過勝在價錢便宜.
食飽之後, 就去埋上次冇去嘅伏見稻荷睇鳥居.
話咁快就到喇.
因為係星期六, 所以有好多本地遊客.
有人當然有商機啦, 睇下幾多食肆.
有隻神獸看門口.
真係有好多鳥居.
排到密密麻麻.
趁冇乜人, 影張合照先.
頭先行上來嘅時間見到咁多野食, 走嘅時候終於抵受唔到引誘.
買咗好耐冇食嘅CREPE.
食完之後就返咗京都市行街, 幾年冇來關西,原本京都開多咗專門店同商場, 例如Bapexclusive, 同藤井大丸--
(大丸旗下嘅年青人商場) , 老公喺Bapexclusive買咗件特別版TEE, 我就喺藤井大丸7/F 嘅porter 買咗個porter girl 系列嘅大PVC袋, 退完稅只要14000 YEN, 之後先發現唔係所有porter 專門店都有porter girl 系列, 不枉我左度右度, 最終都買咗佢.行下行下, 原來都8點, 拿拿臨搭車返難波, 寄存埋今日買嘅收獲, 再到巴士站附近嘅store, 買D野食, 因為要趕住搭22:20 pm 班 JR bus 到金沢.
因為當初plan行程時決定得太遲, 所以想book 車票之際, 樓上嘅坐位已經full 咗. 我地只好坐樓下, 仲要分開坐. 因為車程要成7個半鐘, 中途又要上客, 所以樓下經常會開關門, 同埋中途間唔中會打開門, 俾d客落車去下廁所 (雖然車上都有廁所, 不過得一個同比較細). 所以基本上樓下會較嘈, 同開門時會好凍, 而我當然都冇覺好訓啦.
其實一個前網上已可以訂購車票, 不過好怏就會有人book, 所以過咗一個星期後, 我地已經冇得編排 d 好嘅坐位. 所以如果下次要book, 就真係要早d決定喇.
DAY 1 - PART 2 完
全站熱搜
留言列表
