daisy127的部落格

8點鐘就已經到酒店喇, 咁早到就梗係去搵食先啦. 因為我地預先上網book左9:30 am去sano outlet 既 bus ticket, 時間尚早, 諗住先去新宿金太郎食個魚生飯做早餐, 然後再0係新宿JR新南口搭巴士去sano outlet ~

你睇下8點幾既Tokyo metro幾多人,簡直上唔到車咁濟呀. (全部都係人頭, 似唔似鬼片呢?)

幾經辛苦上左車,以為好快就到新宿啦,點知...........................大煲喇,上錯車............

諗住試下副都心線,點知上錯左丸之內線.

原本懶醒咁諗住下一個站落車,再搭返回頭車轉返副都心線啦. 落左車先至知原來要出閘先可以搭返轉頭, 為左唔好蝕,唯有繼續搭去銀座先再轉車去新宿啦..............

去到新宿都9點啦,金太郎,我同你都係冇緣架喇.........

所以我地既早餐就係......這間車站麵包店!!

好過冇得食啦!

以為未到9 點就到左新宿, 實趕到9:30班車啦, 點知 ........我們迷路了,竟然搵極都搵唔到新南口個出口????????????????

我地一路跑一路搵, 終於0係 9:25 am 到達巴士站,用左5分鐘,極速買ticket,仲買埋支綠茶就跑左上車, 好險呀,差d就要搭一個鐘之後班車喇.

上左車,可以有個安樂早餐食喇..................(不過一路食,一路隱約咁聞到自己散發出既.......臭汗味......)

一個半鐘頭後,到左sano oulet 喇!

你估我地第一時間去左邊, 就係呢度喇............Agnis b!!

再睇清楚d, 係30 % off 呀 ~~

其實我地已經預先上網check 過 outlet 會o係6月中至尾(28/6/2009) 做promotion, 所以就安排第一日過黎睇睇有冇正野.

行到咁上下,當然係去搵食啦, 咁0岩 outlet 裡面有和幸, 我地梗係唔會放過佢啦....

一去到門口就發現有條友眼超超喎.

超咩呀o靚仔,信唔信將你塊面豬當麵包咁咬呀喇~~

呢個就係我點0既餐喇, d 吉列唔油又鬆化, d 肉又juicy, 真係每次黎日本都必食呀!

因為太熱喇,又加上食完正餐之後有d口痕, 所以忍唔住喇,要食d野降下火先.....

呢個outlet都幾多野行,所以都行到4點先走.

因為買左幾袋野, 所以一返到池袋就返左酒店先,呢間就係我地要住2晚既 hotel sun city 喇, 好近JR架,北口一出就係喇,所以頭兩日我地好多時都中途放低一袋二袋再出去血併過, 仲有free internet service添,當然要自備電腦啦.

呢d就係我地0係 outlet 既戰利品喇, 圖中果兩個agnis b餃子袋每個都係HKD 300咋, 係咪好抵呢?

影吓相,上吓網又開始餓lu, 所以又出動搵食喇.

不過唔係個胃餓, 係 d shopping 蟲肚餓呀.

不知不覺,又買左好多野喇........

唔知係唔係經濟唔好呢, agnis b 有某d 款未到1/7已經減緊價,圖中果兩個袋都係7 折. 日本J-League波衫都有得減, 都係大約 3000 yen 一件(平時d減價貨都要5000-6000 yen架) .

好喇,今次真係肚餓, 冇晒力行喇.

原本想食無敵家拉麵架,不過實在太多人, 但我地真係好肚餓,所以都係去左食松屋,我地仲試左兩款新口味,唔錯架.

食飽飽, 差d 唔記得左去買J-League波飛~睇橫濱水手對大阪飛腳(28/6/2009)添.

幾經辛苦, 左試試, 右試試,  終於買到4張飛喇, 2200 yen 一張咋, 好抵呀!

買完波飛,頂唔順喇,都係返酒店,早d訓喇.

-- 第一日完 --