daisy127的部落格

對上一次去旅行已經係半年前, 所以十分期待今次嘅旅程.

到機場第一件事當然去 check in 先啦.

因為airasia 冇免費餐飲, 所以我地要先醫飽個肚.

之後就去page one 用DBS card 換本免費雜誌先

我地要去gate 503, 所以入禁區後要坐車

因為班機早咗開, 去到已經Final call.

希望呢幾日嘅天氣都咁好啦

上一次搭airasis 已經有一多年, 估唔到而家多咗好多大陸人搭.

佢地一上機就各人都開住部ipad 或 tab 睇movie. 不過佢地唔帶earphone, 又要開到好大聲, 攪到我地冇得訓.

3個鐘之後就到達KK 喇

 KK 舊機埸比較細, 所以會直接駁條梯落機, 再行去入境區.

行李運送帶都係喺我地隔離, 人有人行, 行李有行李行.

當地d staff 好慢, 排咗好耐先攪掂. 順帶一提, 持特區護照唔使填入境表格.

入境後要先買張sim card. 入境大堂好細, 好易見到賣sim card 嘅攤檔.

我地每人買咗一張DiGi. 一張card MYR 10.8, 要加 MYR 18 先可以打電話 (30 min local call 或 50 min HK call) 加上網 (Unlimited 3G).

不過等佢地activate 一張card 又係勁慢.

再行過d就有taxi 櫃枱, 四人的士公價MYR 30 到市中心. 其餘5位團友就坐7人VAN 去HORIZON HOTEL

唔使25分鐘就到咗酒店.

 雖然已經到咗2點, 不過d房未ready, 咁我地唯有去附近食lunch 先.

我地去咗Wisma Merdeka 入面, S1 區 2樓 食阿林檳城蝦麵.

搵咗好耐先搵到, 就快餓死.

 呢到最出名蝦麵, 所以叫咗兩碗, 再加兩碗魚蛋粉, 仲有當地十分出名嘅桔仔冰解暑.

蝦麵果然名不虛傳, 真在太肚餓, 之後叫多碗撈麵, 不過一般.

所以最後食剩咗D 撈麵.

食飽之後就去拎房, 估唔到有意外收獲, 酒店upgrade 我地間 executive deluxe去suite.

先睇下super standard 先, 面積都幾大.

得企缸, 不過bathroom 都幾大.

到對面嘅suite 喇, 首先有飯廳.

有microwave, 雪櫃, 餐具.

有客廳可以玩.

大大嘅睡房.

床上仲摺咗一隻好可愛嘅象仔

有按摸浴缸

放低行李後, 見都係4點幾, 行去碼頭睇下有冇船出海釣魚先.

正當問緊conuter d 價錢時, 有個阿叔走過來開價MYR 150/HR, 最少3個鐘.

見橫掂都冇嘢做, 而且除開9個人都只係HKD120 玩3個鐘, 就試一試啦.

落船前每人要俾碼頭稅MYR 7.2 先可以喺瑪頭出發.

出發釣夜魚前欣賞一下美麗嘅日落先.

每人會有一件救生衣同一SET 釣魚工具.

 其實所謂嘅工具只係一個圈, 魚絲同弭

釣咗幾個字都冇見到魚, 所以我地間中就叫船長轉下位.

好唔容易, 終於釣到一條.

我都釣到一條.

仲釣到條唔知咩魚.

不過釣釣下突然落大雨, 好彩船長送我地上咗GAYA Island 個亭避一陣雨.

呢D就我地喺9個人3個鐘嘅收獲, 我地送晒俾船長.

玩完後都8點幾, 所以揀咗我地酒店附近嘅估記肉骨茶.

不過因為太夜, 有D小菜已經賣完.

味道唔錯, 豆腐同豬手特別入味.

每人賣單 MYR 12.

頭先食得唔夠飽, 所以我地想行去菲律賓市埸掃街.

行行下見到有個類似嘅地方, 於是坐底一試.

等緊上菜之際,買咗個椰青試下, MYR 4 一個, 點知又青又苦, 攪到我之後都唔敢再試.

果汁都一般.

三個冰鮮海鮮都普普通通, D 調味唔係好啱我地, 6個人食, 每人MYR 13.

求求其食完就返酒店沖涼訓覺.