今日會向皇帝島出發, 平時大約1100 baht 一個人, 由早上八點幾到下午四點幾. 因為我地兩個人連帶朋友一行人有12位, 所以朋友到達布吉第一日就問如果包團係咩價, 最後朋友殺到1600 baht 一個, 雖然比平時多咗500 baht, 不過包團一來唔怕同強國人迫, 二來我地包埋艇, 可以去我地想去嘅地方. (不過隻艇比平時細, 一般40人一團一隻艇, 而我地隻艇就大約20人size).
8點幾, 車先來接我地, 再去kata 接朋友們.
因為會落水, 所以一早換好泳裝, 搽定防晒.
喺香港睇天氣報告時, 預算布吉會落雨, 不過出奇地好天氣.
8點幾, 車先來接我地, 再去kata 接朋友們.
因為會落水, 所以一早換好泳裝, 搽定防晒.
喺香港睇天氣報告時, 預算布吉會落雨, 不過出奇地好天氣.
見到天氣咁好, 沿途椰林樹影, 心情都特別靚.
出海前要先到一個地方聽briefing 同租蛙鞋.
皇帝島嘅地圖, 我地今次只係去Ter bay
蛙鞋100 baht 一對
之後就坐車到碼頭出發.
左下角就係我地嘅小艇.
未到達皇帝島, 已經見到清澈嘅大海.
仲有陣陣涼風, 好舒服.
來到皇帝島, 除左游水, 仲有餵魚仔.
朋友前一日已經買咗幾大條面包用來餵魚仔, 否則向tour guide 買就會好貴.
d魚仔一見到面包就蜂擁而上.
玩到十二點就坐車去father食lunch, 味道一般, 不過島上冇乜餐廳, 所以屈就一下啦.
食飽飽, 玩多一陣, 就去下一個島出發.
byebye 喇,美麗嘅皇帝島.
之後就坐船到船家推薦嘅 banana beach.
個海灘仲靚過皇帝島.
玩到三點幾, 係時候回程, 最後有水果供應添.
個海灘仲靚過皇帝島.
玩到三點幾, 係時候回程, 最後有水果供應添.
返到芭東已經四點幾, 見有d 肚餓, 所以放低d 行裝之後就直接行落市中心搵食.
我地嘅目標係地道野食, 所以搵咗檔粉仔.
食完之後就行返酒店沖涼.
休息咗一陣, 係時候出去食晚餐. 沿途經過尋日食lunch 果market 出面好似夜市咁, 有好多熟食檔, 所以決定先去市中心睇下有冇野食先, 冇就返來掃街.
我地去見識過芭東大街同酒吧街之後, 就決定去掃街.
呢個就係美食夜市.
最後我地買咗燒雞, 串燒, 粟米, 燒魷魚, 海南雞飯, 酸辣鳳爪, 芒果糯米飯, 總共都係400baht, 抵食又好味.
完
全站熱搜
留言列表
