布吉5日5夜慶生之旅-DAY 2 (29/6/2013)－daisy127的部落格

因為機場入面嘅坐椅有D硬, 冷氣又太凍, 所以尋晚訓得唔係咁好. 訓到四點幾,就要起身做單簡梳洗, 跟住入閘.

我地今次由曼谷飛布吉, 所以要向Domestic depeartment 進發. 入閘後唔使過海關,只要過x ray 機.

入閘後見到四點半就開門嘅 naraya.

原本想食M記早餐, 不過等到五點都未開門.

其他開咗門嘅餐廳有KFC 同 subway. 不過因為呢兩間都唔啱食,所以最後去咗7-11買兩件三文治頂住先. 喺7-11 買野果陣,見到有人問有冇happy tourist sim card 買, 不過counter staff 話冇, 唔知賣晒定根本冇得賣呢?

差不多去到閘口, 發現原來禁區入面嘅椅子舒服好多, 起碼係平嘅, 唔會有野頂住. 不過唔知道半夜仲可唔可以入禁區留宿一宵呢?

未到布吉, 已經買咗一袋戰利品俾媽咪.

太眼訓喇, 所以要飲杯mocha 頂住先.

上飛機先開始天光.

一個多小時後, 我地到咗布吉喇.

出閘後, 要先拎d 地圖參考下先. 見到附近有free sim card counter, 不過7點幾仲未開門.

機場內仲見到個表, 有坐的士到布吉各地嘅參考收費.

仲有minibus service counter

不過我地一早透過man 哥book 咗四人車到酒店,一程600 baht.

車箱入面都幾乾淨. 我地估司機係職業本地導遊, 因為佢俾我地嘅卡片有license no. 佢仲沿途問我地呢幾日有咩plan, 若果要導賞或者車, 都可以 call 佢.

45分鐘後,終於到達酒店

先來杯welcom drink

lobby 都幾闊落.

餐廳都幾大同早餐都有幾多款式.

我地book 酒店時考慮過book 唔book埋早餐, 不過一book 就要book 晒四日, 每日要加HKD 125 (兩個人), 所以最後冇book 到, 諗住去到酒店, 睇下環境, 先再決定散book 一或兩日. 不過去到問價, 原來一日一個人要600 baht, 即係兩個人一日要HKD 300, 比上網book 貴咗一倍有多, 最後我地都冇book 到.

因為要到下午兩點先可以拎房, 所以出去搵食先.

酒店嘅staff 好nice, 主動問我地係咪想出去行下, 又提及過多十五分鐘就有免費tuk tuk. 由於酒店處於半山, 行落jungceylon 要10分鐘, 個天又咁晒, 所以都係等酒店tuk tuk 出去好d. 免費tuk tuk service 有時間限制, 去及回程可以選擇由酒到芭東海灘或jungceylon.

坐咗一陣, staff 好主動咁介紹d景點俾我地, 例如weekend market, 員工有禮貌又主動, 所以幾日來都住得好滿意.

酒店嘅 tuk tuk 都好靚.

幾分鐘就到芭東灘.

之後就駛向jungceylon.

原本諗住唱下錢同食個早餐, 不過全部都未開門, 所以唯有行遠d搵食.

於是行咗去老遠嘅 briley 食海南雞飯.

雞都ok, 不過飯就唔夠香.

豬手飯就唔錯.
兩個飯,一枝可樂,兩隻冰杯盛惠 120 baht.

食飽飽已經十點, 係時候行去Let's relax 做個2 hr thai massage 連 hot herbal compress. 出發前已book 咗時間同俾咗錢, 兩人共HKD 540.

內覲都幾靚.

兩位師傅都好用力, 所以全程都冇得訓, 不過做完又覺得幾舒服.

沿途行返去jungceylon 時見到布吉偉林, book 埋過兩日嘅半日蛋島遊先, 850 baht 一個.

jungceylon 都幾靚, 面積又大, 唔怪得做咗芭東地標.

之後去咗jungceylon 後面嘅banzaan market 食lunch.

地下有水果同海鮮檔.

每檔價格都有唔同, 所以要行完晒格完價先買.

用

買料用咗 515 baht.

買完之後可以上二樓嘅餐廳代煮. 我地去咗網上好評嘅your kitchen, 可以用普通話溝通, 睇下點整. (不過要留意, sunday可能休息)

太熱喇, 先整個coconut, 50 baht 一個.

椒盬瀨尿蝦.

白灼獅蚶

大蜆

咖哩炒蟹

連通菜, 冬蔭公河粉, 同加工費全部390 baht.

換言之, 成個lunch連埋野飲都係1000 Baht 有找.

食完之後都唔夠兩點, 所以去咗 jungceylon 內嘅 big c 買d 糧食.

又去咗starbuck 買咗杯iced mocha, 咁啱做緊promtion , 現凡惠顧, 都可以跟住receipt 上面嘅website 做個十幾分鐘嘅問卷, 就可以免費獲得一杯如細杯裝飲品.

跟住就出今朝落車嘅位等酒店tuk tuk 車返歸. (記住要預先一個鐘打去酒店book 車, 先會出來接你架)

我地book 咗 city view room, 所以要落兩層, 不過staff 會幫你拎行李.

間房接近 400 呎, 好闊落, 不過因為處於半山, 所以就算落兩層, 都好光猛.

仲有小露台, 可以晒衫(最緊要可以晒下d泳衣) 同出去飲下beer, 吹下水.

二樓嘅泳池都好大好靚

有d房可以直達泳池, 一打開門就可以游水.

個view 都幾好.

老公有同事早兩日到達布吉, 所以我地約埋今晚一齊食晚餐.

我地去漁排食海鮮, 所以搵咗今朝個司機車我地去碼頭等朋友, 車費都幾貴, 來回要一千baht, 不過經酒店book 仲貴, 要1800 baht. 個司機沿途又sell 下d day tour, 不過我地覺得佢貴, 8 個鐘開價1800 baht, man 哥都只係 1300 baht, 所以搵咗個藉口推咗. 不過可能因為咁, 之後有一個日去kata 食完飯, 想搵佢車我地返芭東時, 我地被拒絕咗.

碼頭有隻好得意嘅馬騮仔.