因為年頭請得太多假去旅行, 做功課同考試, 所以就算今晚8點50分起飛, 都仍然都返足全日工. 唯有叫老公請半日假喺屋企執定好行李, 而自己就同同事調個早更, 放四點半, 再飛返屋企沖完涼就拿拿聲出發啦.
不過最後磨磨下都成六點先出到門口, 咁啱班E34 full 到上都上唔到, 為怕miss 咗班機, 只好call 的士啦. 最後我地用咗35 分鐘就到達機場, 埋單都係二百幾蚊.
到達機場之後, 就即刻去airasia counter check in, 去到先知道原來web check in 咗, 而又冇行李要寄倉的話, 已經可以憑 web check in 後嘅 electronic broading pass 直接登機. 因為我地來回要都經曼谷轉機, 所以為咗慳時間駁飛機, 我地來回都選擇hand carry行李. 換然之, 我地可以全程都不用到counter 排隊再check in, 咁都幾好, 可以慳返d 時間
唔使排隊check in, 見仲有成個幾鐘時間, 即刻到terminal 1 嘅 page one 換返兩本雜誌上機睇 (因為機上冇電視), 同去burger king 食返個dinner ( airasia冇免費餐飲).
不過最後磨磨下都成六點先出到門口, 咁啱班E34 full 到上都上唔到, 為怕miss 咗班機, 只好call 的士啦. 最後我地用咗35 分鐘就到達機場, 埋單都係二百幾蚊.
到達機場之後, 就即刻去airasia counter check in, 去到先知道原來web check in 咗, 而又冇行李要寄倉的話, 已經可以憑 web check in 後嘅 electronic broading pass 直接登機. 因為我地來回要都經曼谷轉機, 所以為咗慳時間駁飛機, 我地來回都選擇hand carry行李. 換然之, 我地可以全程都不用到counter 排隊再check in, 咁都幾好, 可以慳返d 時間
唔使排隊check in, 見仲有成個幾鐘時間, 即刻到terminal 1 嘅 page one 換返兩本雜誌上機睇 (因為機上冇電視), 同去burger king 食返個dinner ( airasia冇免費餐飲).
今次我地個gate 係505, 所以要搭巴士先可以到達. 不過原來都有幾多人到gate 501-510, 我地花咗一d 時間等車, 所以去到都已經可以上機lu.
不過唔知道係咪因為我地用electronic broading pass , 登機前要我地出示埋回程electronic broading pass 做登記, 咁又花咗d 時間.
因為我地web check in 時見到被安排分開坐, 我地兩個嘅隔離都已經有乘客, 不過部機又唔似乎唔 full, 所以老公俾咗HKD 20, 揀咗一行冇乘客坐嘅中間位, 希望到時佢嘅左右其中一邊冇人, 我就可以去坐. 不過事與願違, 最後班機好full, 佢左右都已經坐咗人, 咁我唯有自己坐, 睇下雜誌啦.
今次嘅機係3-3 形式, 全部都係皮座椅, 所以都幾舒服.
坐咗3個鐘, 終於到達曼谷廊曼機場
因為呢個舊機場開放俾少數airline, 所以過關都好快, 大約用咗20 分鐘
舊機場比較細, 行李帶都只係得三條
過完關大約11 點, 所以機場都好靜
搵位訓覺前, 我地先到最近嘅7-11買張電話卡先.
因為機場內冇7-11 , 所以我地要到機場外數分鐘路程嘅7-11 買.
首先, 我地搵可以直接到amari hotel 嘅出口.
然後經過條橋, 向hotel進發.
見到hotel入口後，就搭扶手電梯落地下lobby, 再出酒店, 跟住轉左, 再直行.
其實一路行, 就會見到7-11個招牌, 所以唔難搵.
一路行, 見對面有生果檔, 即刻問下有冇芒果糯米飯先, 不過係冇嘅.
入咗7-11, 即刻用299 baht 買張happy tourist sim.
因為實在太多強國人到呢間7-11買電話卡, 所以7-11索性整個板做詳細說明.
買完電話卡, 見到對面有粉仔檔, 即刻食返個宵夜先.
兩碗粉合共60 baht, 抵 !
之後再返機場, 見到都有d食肆都未收工.
不過airline counter 就收咗lu.
因為我地要等聽朝5:50 班機到布吉, 所以我地要喺機場訓一晚.
機場入面有好多4個坐位嘅椅子, 見到其他人將兩排合埋一齊訓, 我地又試下先.
不過因為個位有d 硬, 所以訓得唔太舒服, 要墊d 衫之類喺腰度，就最好喇. 同埋機場冷氣都幾大，要多帶一件褸. 但係可以慳返晚酒店, 唯有屈就一晚啦. good night !
完
全站熱搜
留言列表
